"Stadionumuzda təmir işləri sürətlə gedir. Tribuna, işıqlandırma, oturacaqlar hazırdı. Ən çox narahat olduğumuz məqam işıq ilə bağlı idi. Sağ olsun İcra Hakimiyyəti, borc məsələsini həll etdi. Suvarma sistemi də işləmir, hazırda bunu yoluna qoyuruq. Bu üzdən, ola bilər ki, stadiona qayıdışımız bir qədər də ləngisin. Suvarma sistemi düzəlməsə, otu dədə-baba qaydası ilə suvaracağıq. Hələ "MKT-Araz"ın dönəmində stadionda projektorlar olmayıb. Hazırda bizə lazım deyil. Çünki oyunları hava qaralan vaxt keçirmirik. Qışda 14.00-da, yayda isə əsasən 16.00-17.00-da meydana çıxırıq. Gələcəkdə qismət olsa, premyer-liqaya vəsiqəni təmin etsək, bu məsələni yoluna qoyacağıq".