“Veqas”la yanvarın 22-də keçirilən oyunu zədə üzündən buraxan Aleksandr Oveçkin dünən buz üzərinə döndü və dərhal da özünü göstərdi.

Football-plus.az xəbər verir ki, onun kapitanı olduğu “Vaşinqton” səfərdə “Kolorado”ya uduzdu. “Evelanş” ardıcıl 6-cı qələbəsini qazandı. Amma Oveçkin MHL karyerasında 811-ci qolunu vurmaqla Ueyn Qretskinin rekorduna (884) doğru daha bir addım atdı.

Ovinin əfsanəvi kanadalıya məxsus daha bir rekordu qırdığını da xatırladaq. Belə ki, 37 yaşlı rusiyalı ulduz səfər oyunlarında qol sayını 447-yə çatdırdı. Qretskidə isə bu göstərici 446-ya bərabərdi. Oveçkin cari mövsümdə 49 oyuna çıxıb və 53 (31+22) xal toplayıb.