“Vaşinqton”un kapitanı Aleksandr Oveçkin qoldan doymur.

Rusiyalı ulduz “Kolorado” ilə oyunda fərqlənməklə qol hesabını 778-yə çatdırdı. İndi onu MHL-in snayperləri siyahısında 2-ci yerdə qərarlaşan Qordi Houdan 23 şayba ayıır. 36 yaşlı ulduz “Kolorado”nun qapısına karyerası ərzində 10-cu dəfə yol tapdı. “Kolorado” Oveçkinin ən azı 10 dəfə məyus etdiyi 28-ci klubdu. İndiyə qədər belə nəticəni yalnız Co Sakik, Marian Qoss və Brendan Şenahen göstərə bilib.

Oveçkin cari mövsümdə 48-ci qolunu vurmaqla Teemu Selyannenin yaşı 36 və daha artıq olan oyunçular üçün müəyyyənləşdirdiyi rekordu da təkrarladı. “Vaşinqton”un kapitanı cari mövsümdə keçirdiyi 74 oyunda 87 (48+39) xal toplayıb. Fin Selyanne isə 2006/07 mövsümündə buz üzərində çıxdığı 82 oyunda 48 qol vurmuşdu.

Dünən evdə “Kolambus”a qalib gələn “San-Xose” 10 oyunluq məğlubiyyət seriyasına son qoydu.

19 aprel
Çikaqo – Kalqari 2:5 (1:3, 1:0, 0:2)
Kolorado – Vaşinqton 2:3 (1:1, 0:1, 1:1)
Sietl – Ottava 4:2 (1:0, 2:2, 1:0)
Arizona – Karolina 3:5 (0:1, 3:3, 0:1)
Veqas – Nyu-Cersi 2:3 (0:1, 1:0, 1:2)
Vankuver – Dallas 6:2 (2:1, 2:1, 2:0)

20 aprel

Monreal – Minnesota 0:2 (0:1, 0:0, 0:1)
Reyncers – Vinnipeq 3:0 (0:0, 1:0, 2:0)
Tampa-Bey – Detroyt 3:4 (0:0, 2:3, 1:1)
Toronto – Filadelfiya 5:2 (0:0, 3:1, 2:1)
Aylenders – Florida 2:3 ОТ (0:0, 1:1, 1:1, 0:1)
Neşvill – Kalqari 3:2 Б (0:0, 2:1, 0:1, 0:0, 1:0)
Sent-Luis – Boston 2:3 OT (1:0, 1:2, 0:0, 0:1)
Vankuver – Ottava 3:4 B (2:0, 0:1, 1:2, 0:0, 1:2)
Anahaym – Los-Anceles 1:2 (0:0, 1:1, 0:1)
San-Xose – Kolambus 3:2 (3:0, 0:0, 0:2)