“Budəfəki fəaliyyətimiz də həmişəki kimi keçdi. Oyunçu axtarırıq və komandalara təklif edirik. Hələ ki nəticədən danışmaq tezdi. Çünki hələ “pəncərə”nin yarısı tamamlanmayıb. Ümumilikdə isə qeyri-adi bir şey yoxdu. Eyni komandalardı, eyni ölkədi, yerli futbolçulardan söhbət gedirsə, eyni futbolçulardı. Biz əsasən legionerlərin klublarımıza cəlb olunmasına çalışırıq. Bir neçə yerli futbolçunu da xarici komandalara təklif edirik. Lakin əsas işimiz əcnəbilərin ölkəmizə gətirilməsidi. Şəxsən mənim üçün ölkə fərqi yoxdu. Cənubi Amerikadan tutmuş Afrika, Avropa və qonşu Gürcüstana qədər - hər birində futbolçu axtarırıq. Adətən, transferlər “pəncərə”nin sonunda baş verir. Futbolçular, belə desək, pulun axtarışında olur, komandalar da daha sərfəli qiymətə oyunçu axtarır. “Daha yaxşı” deyə-deyə gəlib sona çatır, futbolçunun ağlı başına gəlir ki, göylə getmək olmaz. Klub da görür ki, artıq qərar vermək lazımdı. Ona görə də keçidlərə baxsaq, görərik ki, 70 faizindən çoxu “transfer pəncərəsi”nin son günlərində baş tutur. Belə desək, həm klublar, həm də futbolçular daha sərfəli addım atmaq üçün gözləyir, reallıqla isə sonda barışırlar”.

“Qış fasiləsi əvvəlkilərdən ciddi fərqlənmədi. Fəal olmağa çalışdıq. Qış fasiləsində ölkə xaricinə futbolçu çıxarmaq çətindi. Amma bu istiqamətdə də danışıqlar həmişə davam edir. Bir neçə skaut dəvət etdik, onlarla danışdıq, məlumat verdik. Ümid edirik ki, ən qısa zamanda, yay “transfer pəncərəsi”nə kimi yekunlaşanlar da olacaq. İnşallah, reallaşan kimi məlumat verəcəyik. Necə ki qış fasiləsində xaricə oyunçu çıxarmaq çətindi, bu dönəmdə legionerləri ölkəmizə cəlb etmək də asan deyil. Çünki sərbəst oyunçu az olur. Bizim kublar da əsasən azad agentlərə maraq göstərir. Lakin biz yenə də çalışırıq. Məncə, normal keçdi, amma daha yaxşı ola bilərdi. Fəaliyyətimiz daha çox yay transfer dönəmində səmərəli olur. Vəziyyətdən narazı deyilik, amma daha yaxşı olması üçün çalışırıq”.