“Liverpul” ərəblərin maraq dairəsindədi
ABŞ-ın “Fenway Sports Group” şirkəti tərəfindən satışa çıxarılan “Liverpul”un potensial müştərilərinin siyahısı genişlənir.
Football-plus.az xəbər verir ki, Qətərin bir sıra şirkətlərinin İngiltərə klubunun səhmlərini ala biləcəyi məlum olub.
Bu barədə yerli jurnalist Məhəmməd Səid Əl-Kaabi məlumat yayıb:
“Liverpul Futbol Klubunun alınması Qətər üçün əsas prioritetdi. Ölkə bunda çox maraqlıdı. Lakin hazırda sövdələşmə ilə bağlı danışıqlar yekunlaşmayıb. Gəlin, yaxın bir neçə gün ərzində nə baş verəcəyini gözləyək”.
“Fenway Sports Group”un sahibi olan Con Henri “Liverpul”u 2010-cu ildə alıb. Onun rəhbərliyi dövründə komanda Çempionlar Liqasının (2019) və premier-liqanın (2020) qalibi olub. “Liverpul”u hazırda İngiltərə çempionatında 18 oyuna 28 xalla 9-cu yerdədi.
Digər xəbərlər
