Hər hərəkəti diqqətlə izlənilən Ronaldo ilə bağlı digər xəbərlərə də toxunaq.

Əslində onun “Əl-Tai”yə qarşı oynamamasının səbəbi tək İFA-nın cəzası ilə bağlı deyildi. Kriştiano “Əl-Nəssr”ə transfer olunduqdan sonra məlum oldu ki, sən demə, klubda legionerlərin sayı 9-a çatıb.

Football-plus.az xəbər verir ki, Səudiyyə Ərəbistanında isə elita klublarına mövsümlük iştirak ərizəsinə maksimum 8 legioner salmağa icazə verilir. Klub rəhbərliyi bir qədər düşünəndən sonra “qara siyahı”ya Vensan Abubakar düşdü. Bu mövsüm məhsuldarlığı aşağı olduğuma görə onsuz da tənqid olunan 30 yaşlı kamerunlu forvardın müqaviləsi qarşılıqlı şəkildə ləğv olundu. Ona müqaviləsinin sonuna qədər almalı olduğu məbləği son qəpiyinə qədər ödədilər. Dilini dinc saxlamamsı ilə tanınan və dəfələrlə özünü Məhəmməd Salahdan üstün sayan Abubakar gedərkən söz atmağı da lazım bildi:

Hərçənd bu sitatı ən birinci ortaya “tvitter”dəki “Troll football” səhifəsi atdığından, ola bilər ki, Abubakar heç belə fikir səsləndirməyib. Ronaldonun debütünə gəlincə, cəzası davam etdiyindən böyük ehtimalla o, yanvarın 14-də 2-ci pillədəki “Əl-Şabab”a qarşı derbini də buraxmalı olacaq. Hərçənd şayiələrə inansaq, klubun vəkilləri bu məsələni və verilə biləcək mümkün cəzanı araşdırır. Ortada yalnız pul cəzası olsa, bu, problem yaratmayacaq.

Amma deyilənə görə, bu halda Ronaldonun özünə əlavə cəza verilə bilər. Məşhur futbolçu ən pis halda yanvarın 22-də “Əl-İttifaq”la oyunda debüt edəcək. Bu arada hələ ki Ər-Riyadda özünə ev tapa bilməyən Ronaldonun ailəsi ilə birlikdə harda yaşayacağı məlum olub. O, 99 mərtəbəli “Kingdom Tower” otelində ailəsi, dostları və cangüdənləri üçün birdən-birə 17 otaq tutub! Bu 17 lüks otaqda 1 ay qalmaq, eləcə də bu müddətdə sifarişli qidalarla təmin olunmaq Ronaldoya 280 min avroya başa gələcək. Sonda onu da bildirək ki, Ronaldonun transferindən belə desək, iştaha gələn “Əl-Nəssr” rəhbərliyi Avropanın (sönməkdə olan) bir çox ulduzuna göz qoyub. Serxio Ramos, Kante, Firmino, Buskets, Pepe, Roys və Azar onların diqqət mərkəzinə düşüb…