Evra Ronaldonu Salahdan üstün hesab edir
“Mançester Yunayted”in sabiq müdafiəçisi Patris Evra hazırda bu komandanın sıralarında olan Kriştiano Ronaldonun davamlı tənqidə məruz qalmasına münasibət bildirib.
"Football-plus.az" xəbər verir ki, fransalı veteran portuqaliyalının 40 yaşında da qollar vuracağını bildirib:
“Bu oğlanı rahat buraxa bilərikmi? Çempionatda 18 qol vurub. Kriştiano bu komandada olmasaydı, harda olacaqdıq?! Sizə bir söz deyəcəm: Kriştiano Ronaldonu MS, “Liverpul” və “Çelsi”nin heyətinə qoyun – yenə uğur qazanacaq. Ancaq ən yaxşı futbolçulardan biri olan Məhəmməd Salahı MY-yə gətirin – o da problemlə üzləşəcək. Bəziləri belə hesab edir ki, Ronaldo dostum olduğuna görə belə danışıram. Yox, mən Kriştianonun iş etikasına, peşəkarlığına vurğunam. Onun 37 yaşı var. Bu oğlan 40 yaşında da qollar vuracaq”.
Digər xəbərlər
