PSJ-nin sahibi olan “Qatar Sports Investments” (QSI) başqa klublara da sərmayə qoymağı planlaşdırır. Avropanın daha bir neçə tanınmış klubu ərəb biznesmenlərin hədəfinə düşüb.

Fransa mənbələrinin yaydığı xəbərə görə, şirkətin nümayəndələri İngiltərə premyer-liqasında çıxış edən klublar, həmçinin “Tottenhem”lə fəal əlaqə saxlayırlar. PSJ-nin prezidenti, QSİ-nin baş direktoru Nasser Əl-Xelayfi bu həftə London klubunun idarə heyətinin sədri Daniel Levi ilə görüşüb. Görüşün tanışlıq xarakteri daşıdığı bildirilib. Tərəflər arasında danışıqlar ilkin mərhələdədi. QSI bütün variantları və klubları qiymətləndirir. Lakin qeyd olunur ki, şirkət səhmləri bazarda olan “Liverpul”la hələ danışıqlar aparmayıb.

Yeri gəlmişkən, Qətər şirkəti PSJ-dən başqa Portuqaliya “Braqa”sında 23 faizlik paya sahibdi.