Antonio Konte “Tottenhem”in baş məşqçi vəzifəsindən getməyi düşünür.

O, PSJ-ni çalışdırmaq istəyir. Bunu “Le Parisien” iddia edib. Fransa nəşri 52 yaşlı italyan mütəxəssisin artıq Paris klubunun rəhbərliyinə hazırkı çalışdırıcı Maurisio Poçettinonun mümkün gedişi fonunda baş məşqçi kimi işləməkdə maraqlı olduğunu bildirib. Kontenin PSJ-nin prezidenti Nasser Əl-Xelayfi ilə münasibətinin yaxşı olması tərəflərin əməkdaşlıqla bağlı razılığa gəlməsinə kömək edə bilər.

Konte “Tottenhem”in baş məşqçi vəzifəsinə 2021-ci il noyabrın 2-də təyinat alıb. Onun London klubu ilə müqaviləsinin müddəti 2023-cü ilin yayına qədərdi.