Uruqvaylı futbolçular Edinson Kavani ilə Xose Mariya Ximenes FİFA-nın 6 aya qədər cəzası ilə üzləşə bilərlər.

Bu barədə “RMC Sport” məlumat yayıb. Uruqvay millisi dünya çempionatının qrup mərhələsinin son matçında Qanaya qalib gəlsə (0:2) də, topların fərqinə görə Koreyadan geri qalaraq pley-offa adlaya bilməmişdi. Uruqvaylılar bir qol vuracağı halda qrupdan çıxa bilərdilər. Matçın son dəqiqələrində yaşanan epizoddan sonra hakim Daniel Zibert Afrika yığmasının qapısına penalti təyin etməmişdi. Əsəblərinə hakim ola bilməyən Kavani VAR monitoruna, Ximenes isə hakimləri təhqir etmiş və təsadüfən FİFA nümayəndəsinə zərbə endirmişdi.

FİFA Uruqvay Futbol Assosiasiyasına bu insidentlərlə bağlı izahatını təqdim etmək üçün 2023-cü il yanvarın 9-dək vaxt verdib. Təşkilatın Nizam-İntizam Komitəsinin qərarı fevralın sonuna kimi məlum olacaq. Ehtimala görə, FİFA uruqvaylı futbolçuları cəzalandırmaq üçün iki variantdan birini seçəcək. Təşkilat İnzizam Məcəlləsinin 12.3-cü bəndini tətbiq edərsə, futbolçular milli komandanın təxminən 10-15 oyunu üçün diskvalifikasiya olunacaq, 12.4-cü bənd tətbiq edilsə, yalnız Uruqvay millisində deyil, həm də klublarında 6 ayadək oynaya bilməyəcəklər. Qeyd edək ki, Kavani “Valensiya”da, Ximenes isə “Atletiko”da oynayır.