Edinson Kavani özünə yeni komanda tapıb.

“Mançester Yunayted”i azad agent kimi tərk edən uruqvaylı futbolçu Avropanı tərk edəcək. Maraqlıdı ki, cümə axşamı onun yeni mövsümdə Almaniyada oynayacağı haqda xəbər yayılmışdı. “Bild” qəzetinin yaydığı xəbərə görə, o, “Borussiya” ilə anlaşıb. Lakin çox keçmədən 35 yaşlı hücumçunun Cənubi Amerikaya qayıdacağı məlum olub. Edinsonun “Boka Xunors” ilə anlaşdığını jurnalist Conatan Pinasko “tvitter” səhifəsi vasitəsilə xəbər verib. onun məlumatına görə, Argentina klubu keçidi bu gün rəsmən açıqlayacaq.
Kavani “Boka Xunors”da əvvəlki iş yeri ilə müqayisədə az maaş alacaq. Xatırladaq ki, Edinsonun MY-dəki illik məvacibi təxminən 10 milyon avroya bərabər idi.