"Mançester Yunayted"in hücumçusu Edinson Kavani karyerasını Argentinada davam etdirə bilər.

Bu məlumatı "Todofichajes" yayıb.

Uruqvaylı forvard "Boka Xuniors"la danışıq aparır. Cari mövsümün sonunda "qırmızı şeytanlar"la olan müqaviləsinin müddəti başa çatacaq Edinsonun İspaniya təmsilçilərindən aldığı təklifləri geri çevirəcəyi bildirilib.

Kavani "Mançester Yunayted"ə 2020-ci ildə, azad agent statusu ilə qoşulub. Bu mövsüm İngiltərə premyer-liqasında 12 oyuna çıxan cənubi amerikalı 2 qol və 1 məhsuldar ötürmə ilə yadda qalıb.