Dekabr 22-də Monako Krallığı tərəfindən verilən ənənəvi “Golden Foot” (qızıl ayaq) mükafatının yeni qalibləri bəlli oldu.

Tədbir Monte Karlodakı “Qrimaldi Forum”da keçirildi. Qeyd edək ki, bu mükafat iki nominasiyada verilir. Mükafat 2003-dən bu yana həm 28 yaşını ötmüş futbolçulara, həm futbolda iz buraxmış əfsanəvi futbol adamlarına verilir.

Bu il futbolçulardan mükafatı “Barselona” və Polşa yığmasının üzvü Robert Levandovski qazandı. “Əfsanələr Mükafatı” isə argentinalı Emiliano Butragenyo, argentinalı Xuan Sebastyan Veron və türkiyəli Fatih Terimə təqdim olundu. Bununla da Terim “Golden Foot” mükafatına sahib çıxan ilk türkiyəli məşqçi kimi tarixə düşdü.

Xatırladaq ki, “İmperator” “Qalatasaray”la UEFA kubokunu və 8 dəfə ölkə çempionluğunu qazanıb. Bundan başqa, Türkiyə yığması onun rəhbərliyi altında AÇ-2008-də bürünc medalların sahibi olub. Terim, Veron və Butragenyonun həm də ayaq izləri götürülüb. Bu izlər Monako Krallığında məşhur Çempionlar Yolunda yer alacaq. Bu mükafatın daha bir özəlliyi ondadı ki, o, yalnız bir dəfə təqdim olunur. İndiyə qədər “Golden Foot” mükafatını qazananlar arasında Pele, Maradona, Eysebio, Best, Puşkaş, Herd Müller, Di Stefano, Rummennigge, Bekkenbauer, Kantona, Zidan, Maldini kimi əfsanələr yer alıb.