Terim evliliyinin 40-cı ildönümünü belə qeyd etdi
''Qalatasaray''dan ayrıldıqdan sonra hələ də işsiz olan Fatih Terim sosial şəbəkədə maraqlı bir paylaşım edib.
Dünən əfsanəvi mütəxəssisin Fulya Terimlə ailə qurumasının 40-cı ili tamam oldu. Bununla əlaqədar olaraq ''İmperator'' həm 40 il əvvəlki evlilik şəklini, həm də həyat yoldaşı ilə olan ən son şəklini paylaşıb. Terim bu paylaşımının altında bunları yazıb:
''Bəzən şəkərli, bəzən sadə, yeri gələndə isti və ya soyumuş, bəzən çox uzaqda, amma çox vaxt yanımda, hər zaman xeyirli qəhvəmizi 40 ildi paylaşırıq. Məni bu 40 ildə daha yaxşı insan, ata, baba və ən əsası sevən, qəlbən bağlı olan bir şəxsə çevirdiyin, içdiyimiz hər qəhvəni daha mənalı etdiyin üçün təşəkkür edirəm. Bir 40 ilimiz də olsa və ya həyata yenidən gəlsəm, acısıyla, şiriniylə qəhvəmi yenə də səninlə paylaşmaq istəyərəm. Evliliyimizin 40-cı ildönümünü təbrik edirəm''.
Digər xəbərlər
