Messi Cokoviçi də heyran edib
“Böyük dəbilqə” turnirlərinin 21 qat qalibi, ünlü tennisçi Novak Cokoviç Argentina yığmasının hücumçusu Lionel Messinin gənc nəslə təsiri haqda danışıb:
“İdman, futbol azarkeşi kimi, əlbəttə, Messiyə heyranam və ona çox hörmət edirəm. Düşünürəm ki, bu dünyadakı adamların böyük hissəsi onun uğurlarından, bütün bunları necə bacarmasından razıdı. Leo həmişə təvazökar, “yerdə gəzən”, uğurların dəyişmədiyi oğlan olub. Bütün bu illər ərzində hiss edirəm ki, Leo ona aşağıdan yuxarı baxan uşaqlar üçün gözəl nümunədi. Uşaqlar ona oxşamaq istəyirlər”.
Xatırladaq ki, Messi dekabrın 18-də başa çatan dünya çempionatında Argentina yığması ilə çempion olub.
Digər xəbərlər
