Bu gün Qətərdə keçirilən dünya çempionatının finalında Argentina və Fransa yığmaları qarşılaşacaqlar.

"Kəpəz"in futbolçuları həlledici oyunda kimə azarkeşlik edəcəklərini klubun mətbuat xidmətinə açıqlayıblar. Onların fikirləri belə olub:

Tural Axundov: “Favoritim Argentinadı. Bu yığma daha yaxşı oyun sərgiləyir. Xüsusən də Lionel Messinin adını çəkə bilərəm. Elə Messiyə görə Argentina deyirəm”.

Mixeili Ergemlidze: “Şübhəsiz ki, Argentina qalib gələcək. Çünki orda Messi oynayır. O, dünyanın ən yaxşı futbolçusudu”.

Yeqor Xvalko: “Fransanın qələbə qazanmasını istəyirəm. Onların oyunu mənim çox xoşuma gəlir”.

Tural Rzayev: “Argentinaya azarkeşlik edəcəm. Başqa cür də ola bilməz. Bu komandada Messi oynayır. Futbolun ona dünya kuboku borcu var. Mən belə düşünürəm”.

Mate Kvirkvia: “Təbii ki, Argentinaya azarkeşlik edirəm. Mənim kumirim orada çıxış edir. Messini nəzərdə tuturam”.

Peyman Keşavarzi: “Mən Argentina deyirəm. Messinin azarkeşiyəm”.

Kamran İbrahimov: “Fransaya azarkeşlik edəcəm. Çünki Argentina yığması xoşuma gəlmir. Fransa komandasında Kilian Mbappe kimi ulduz futbolçu çıxış edir. Kərim Benzemanın yoxluğunda hücum xətinin lideri məhz Mbappedi. Antuan Qrizmanı da unutmayaq. Onlar millini titula daşımalıdılar”.

Abdullahi Şuaybu: “Argentinaya üstünlük verirəm. Messiyə görə bu komandanın qalib gələcəyini düşünürəm”