Murad Musayev: "İlk matçda uduzmamalıydıq"
Azərbaycan kubokunun 1/4 finalının cavab görüşlərinə start verilib.
"Səbail" "Sabah"ı minimal hesabla məğlub edib. Oyundan sonra "bayquşlar"ın çalışdırıcısı Murad Musayevin mətbuat konfransı keçirilib. Sizi mütəxəssisin fikirləri ilə tanış edirik:
"90 dəqiqə təzyiq göstərdik. İlk qolu vurmalıydıq ki, oyun açılsın. Futbolçuları qınaya bilmərəm. Əllərindən gələni etdilər. İlk matçda uduzmamalıydıq. Rəqib özünü rahat hiss etdi".
- Çempionat və kubokdakı nəticədən sonra komandada eniş olduğunu demək olar?
- İlin sonunu pis keçiririk. Futbolçular çalışırlar.
- Kubok əldən getdi. "Sabah"ın bu mövsüm üçün əsas hədəfi nədi?
- Önümüzdəki oyun bizim üçün önəmlidi.
- Komandanın yorulduğunu düşünürsüz?
- Ola bilər. Daha çox psixoloji yorğunluq var. İlin son matçında özümüzdə güc tapmalıyıq. Ola bilər ki, son matçlarda aldığımız qırmızı vərəqələr də təsir edir. Uşaqlar azlıqda qalandan sonra daha çox yükə düşdülər. Uğursuz nəticələrdə günahkar futbolçular və məşqçilərdi. Əvvəl qəzəbli, ac idiksə, indi bu yoxdu. Bu hisslər itib, yenidən geri qaytarmaq lazımdı.
Digər xəbərlər
