Son matçda "Sabah" "Kəpəz"i darmadağın edib - 5:0. Oyundan sonra paytaxt klubunun çalışdırıcısı Murad Musayevin mətbuat konfransı keçirilib. Sizi mütəxəssisin fikirləri ilə tanış edirik:
"Çox parlaq oyun gördük. İki komanda hücumlarla yadda qaldı. Belə qələbə üçün şadam. Rəqibi də təbrik edirəm. Cürətli oynadılar. Oyunu ləngitmədilər. Belə davam etsələr, daha da inkişaf edəcəklər".
- İlk dövrə başa çatdı. Komandanıza 5 ballıq şkala ilə neçə verərdiz?
- Xallara baxsaq, 5 deyərdim. Lakin oyun planında bəzi şeyləri düzəltməliyik.
- Ötən həftənin əvvəlində Canni de Byazinin AFFA ilə müqaviləsi başa çatmışdı. Bu vaxtda adınız yığmaya namizədlər arasında hallanırdı. Həmin ərəfədə sizə bir təklif oldumu? Olsaydı, düşünərdiz?
- De Byazinin müqaviləsi yeniləndi. İndi bu haqda nəsə demək düzgün olmaz. Mənin diqqətim "Sabah"dadı. Komandanı daha da inkişaf etdirməyi düşünürəm.
