"Klub bizə konkret səbəb bildirməyib. İlk texniki məğlubiyyət ona görə verildi ki, meydandakı qapıçı qırmızı vərəqə aldı, ehtiyatda qapıçı olmadığına görə hakimlər oyunu bərpa etmədi. Buna görə də İntizam Komitəsi komandaya texniki məğlubiyyət verdi. "Baku Fire" ilə oyuna gəlməməkləri, məncə, qapıçının olmaması ilə bağlıdı. Çünki biri qırmızı alıb, digəri zədəli olduğuna və iştirak ərizəsində başqa qapıçının adı olmadığına görə meydana çıxmadılar. Bizdə olan məlumat bu qədərdi. Amma klubun rəhbəri çıxışlarını davam etdirəcəklərini bildirib. Qış fasiləsi zamanı "transfer pəncərəsi" açılacaq. Yanvarın 3-dən fevralın 1-dək olan müddətdə heyəti gücləndirmək üçün transferlər edəcəklərini deyiblər".