“Alyans” Futzal Federasiyasına ciddi səbəb göstərməyib - AÇIQLAMA
“Xilə”dən sonra futzal üzrə yüksək liqada daha bir komanda parket üzərinə çıxmaqdan imtina edib.
Söhbət “Alyans”dan gedir. 20-ci oyun həftəsində baş tutmalı olan “Alyans” – EKOL qarşılaşması birincilərin imtinası səbəbindən keçirilməyib.
Lənkəranlıların bu addımı atmasının səbəbini aydınlaşdırmaq üçün Futzal Federasiyasının mətbuat katibi Mahal Məmmədovla əlaqə saxladıq. Federasiya rəsmisinin xoşagəlməz olaya münasibəti belə oldu: “Bu gün (dünən) yüksək liqada əsas mərhələnin son turudu. Bundan sonra pley-off görüşləri keçiriləcək ki, orda da 4 komanda mübarizə aparacaq. “Alyans”ın EKOL-la oyuna çıxmamasına gəlincə, lənkəranlılar ciddi səbəb göstərmədilər. Sadəcə, problemlərinin olduğunu bildirib meydana çıxmadılar. Futzal çempionatında komanda üzürsüz səbəbdən üç oyuna çıxmadığı halda İntizam Komitəsi tərəfindən cəzalandırılır, daha dəqiq desəm, çempionatdan kənarlaşdırılır. Ola bilsin, “Alyans”ın rəhbərliyi heç bir iddialarının qalmadığını görərək əlavə xərcə düşməmək üçün bu addımı atmağı lazım bilib. Komandanın rayondan Bakıya gəlib-getməsi müəyyən xərc tələb edir. Bugünkü oyuna gəlib-gəlməyəcəklərini də bilmirəm . Heç şübhəsiz, belə xoşagəlməz olaylar növbəti ölkə çempionatında nəzərə alınacaq”.
RƏŞAD
Digər xəbərlər
