Addo Qana yığmasından ayrıldı
Otto Addo Qana yığmasının baş məşqçi vəzifəsindən istefa verib.
Football-plus.az xəbər verir ki, 47 yaşlı mütəxəssis bu barədə Uruqvayla oyundan sonra açıqlama verib.
Qana millisi qrup mərhələsinin 3-cü turunun oyununda 0:2 hesabıyla uduzaraq mundialda mübarizəni dayandırıb. Komandanı bu ilin yanvarından çalışdıran Addonun baş məşqçi kimi son açıqlaması belə olub:
“Hələ dünya çempionatından əvvəl turnir başa çatandan sonra Qana yığmasından ayrılacağımı demişdim. Verdiyim sözdən imtina etmirəm. Mən və ailəm gələcəyimizi Almaniyada görürük. “Borussiya”dakı rolum xoşuma gəlir. Hətta dünya çempionu olacağımız halda belə milli komandadan gedəcəkdim. Bu planda heç bir yenilik yoxdu”.
Addo yığmada ötən ildən köməkçi-məşqçi kimi işləyirdi, bu ilin əvəlində isə baş məşqçi təyin olunmuşdu. Artıq onun “Borussiya”ya qayıdaraq baş məşçqi Edin Terziçin asisstenti kimi çalışacağı məlumdu.
Xatırladaq ki, Almaniyada doğulan qanaəsilli mütəxəssis 2020-21-ci illərdə Dortmund klubunda məşqçi kimi fəaliyyət göstərib.
Digər xəbərlər
