“Formula-1” komandalarından “Ferrari”nin rəhbəri Mattia Binotto postunu tərk etməyə qərar verib.

Bu haqda məlumat yayan “Corriere della Sera” bildirir ki, getmək qərarının arxasında şirkətin prezidenti Con Elkanın Binottoya etimad göstərməməsi dayanır.

Football-plus.az xəbər verir ki, hazırda 2023-cü ilin sonuna qədər qüvvədə olan müqavilənin pozulmasının şərtləri müzakirə olunur. Yaxın günlərdə bu haqda rəsmi açıqlama veriləcək.

53 yaşlı Binotto 2019-un yanvarından bəri İtaliya komandasına rəhbərlik edir. 2022 mövsümündə 554 xal taoplayan “Ferrari” Mühəndislər kubokunda “Red Bull”dan (759) geri qalmaqla 2-ci yeri tutub. Artıq Binottonun yerini kimin tutacağı da bəllidi. Onu hazırda “Alfa Romeo”ya rəhbərlik edən Frederik Vasserin əvəzləməsi gözlənilir.