"Futbolun zirvə tədbiri 4 ildən bir keçirilən dünya çempionatıdı. Bütün futbolsevərlər bu yarışı həsrətlə gözləyir. Bu dəfə mundial ərəb ölkəsində və soyuq mövsümdə keçirilir. Bu da turnirə əlavə rəng qatır. İştirakçılara gəlincə, Almaniya, Fransa, Portuqaliya, İngiltərə, İspaniya, Argentina və Braziliyanı daha şanslı sayıram. Düzdü, futbolda istənilən komanda sürprizdə edə bilər. Amma adını açıqladığım 6 yığmanın dominantlıq edəcəyini düşünürəm... SSRİ vaxtında Azərbaycan hakimlərindən Tofiq Bəhramovla Eldar Əzimzadə dünyaya səs salmışdı. Tofiq müəllim 1966-cı ildə DÇ-nin final matçını idarə edən hakimlərdən idi. O zaman sovet futbolu və hakimliyi dünya reytinqində ön sıralarda olduğu üçün hakimlərimiz də qitəmiqyaslı yarışlara təyinat alırdı. Hazırda isə FİFA Hakimlər Komitəsi futbolun daha çox populyar, top-liqa və futbol səviyyəsinin yüksək olduğu ölkələrin hakimlərinin təyinatında maraqlıdı. Təəssüf ki, futbolumuz və hakimliyimiz dünya reytinqində arzuolunan mövqedə deyil. Sevindirici haldı ki, son illərdə Əliyar Ağayev üzə çıxdı. Bir çox qitəmiqyaslı yarışlara, həmçinin Çempionlar Liqasının oyununa təyinat aldı. Düşünürəm ki, futbolumuzun səviyyəsi yüksəlsə, Əliyar daha da inkişaf etsə, Azərbaycan hakimləri növbəti DÇ-yə təyinat alacaq. Hazırda hakimlik inkişaf edib, tələblər, yanaşmalar dəyişib. Əvvəllər hakim oyuna birbaşa cavabdeh olduğundan, son qərarı da özü verirdi. İndi isə VAR onların qərarlarına birbaşa təsir edir. Bizdə bu sistem cari mövsümdən tətbiq olunur. VAR futbolumuzda tam “oturandan” sonra referilərimizin DÇ və AÇ-yə təyinat almaq şansı artacaq”.

"Bu DÇ səssiz-soraqsız və qışa gedən vaxtda gəldi. İsti ölkələrdən olan Qətərdə keçiriləcəyinə rəğmən, futbolsevərlər mundialın həmişə yay fəslində baş tutmasına alışıb. Fərqli vaxtda təşkil olunduğuna görə rəngarəng keçəcəyinə inanıram. Daha təcrübəli yığmaların uğur qazanacağına inanıram. Almaniya, İspaniya, Fransa, Argentina və Braziliyanı favorit sayıram. Düşünürəm ki, bu "5-lik"dən biri dünyanın ən güclüsü adını qazanacaq... Mundialda ev sahibinin iştirakı təmin olunur. Ölkəmiz nə vaxtsa bu turniri təşkil etsə, millimizi də qısa zamanda görərik. Təbii ki, o vaxta kimi FİFA-nın qanunlarında dəyişiklik olmasa. Amma oyun və nəticələr baxımından götürsək, işimiz çox çətindi. Düzdü, millimiz hazırda yüksəlişdədi, ardıcıl 4 qələbə qazanmışıq. Yığma bu temlə inkişaf etsə və qələbələri sıralasa, düşünürəm ki, 8-12 il sonra DÇ-yə vəsiqə qazanmaq şansımız var".

"Futbolsevərlər dünya çempionatını böyük maraqla gözləyir. Çünk futbolu yüksək səviyyədə oynayan yığmaların mübarizəsi böyük coşqu, həyəcan və maraq deməkdi. Fikrimcə, çempionluq uğrunda mübarizə Almaniya, Braziliya, Portuqaliya, Fransa, İngiltərə və Argentina arasında gedəcək. Bu komandalardan Almaniya ilə Braziliyanı daha şanslı görürəm. Həmçinin bu komandaya azarkeşlik edirəm... Millimiz son 4 oyuna 4 qələbə qazanıb. Bu bizi həm sevindirir, həm də ümidləndirir. Fikrimcə, yığma daha da inkişaf edəcək və yaxın illərdə DÇ və AÇ-yə vəsiqə qazanacağıq".