"Tərlan Əhmədov təcrübəli məşqçi, Rauf da təcrübəli futbolçu kimi yaxınımızdı. Onlar arasındakı xoşagəlməz halla bağlı məlumatları müdiadan izləyirik. Gərək belə xoşagəlməz olay olmayaydı. Biz komandanın daxilində deyilik, məsələni hərtərəfli bilmirik. Amma bu səviyyəyə qədər gəlib, mediada gündəmə düşməsi yaxşı olmadı. Mənim istər futbolçu, istərsə də məşqçi karyeramda belə hal baş verməyib. Amma klub rəhbərliyi məşqçinin qarşısına hədəflər qoyub nəticə istəyirsə, komandaya birbaşa cavabdeh şəxs odu. Baş məşqçi tək komandanın lideri yox, yeri gələndə futbolçularla böyük qardaş, dost da olmağı bacarmalıdı. Amma komanda daxilində intizamsızlıq edən futbolçu varsa, əvvəlcə onunla fərdi söhbətlər edilməli, ciddi xəbərdarlıq olmalı, sonra cərimələnməlidi. Bütün bunlar effekt vermədikdə komandadan uzaqlaşdırılmalıdı. Mən də bir baş məşqçi kimi bunu edərdim. Amma yenə deyirəm, Tərlan müəllimlə Rauf arasında nələr baş verdiyini daha dəqiq deyə bilmərəm. Bütün bunlar «Kəpəz» daxilində olan prosesdi. İstənilən halda klunun daxilindəki olay mediada gündəmə çevrilməməliydi».