"Azərbaycana gedəcəyim üçün çox sevinirəm" - "Frayburq"un futbolçusu
Almaniyanın "Frayburq" klubunun futbolçusu Yannik Kaytel "Qarabağ"a qarşı keçirəcəkləri UEFA Avropa Liqasının qrup mərhələsinin 6-cı tur oyunundan əvvəl təşkil olunan mətbuat konfransında çıxış edib.
"Football-plus.az" xəbər verir ki, almaniyalı futbolçu ölkəmizə səfər edəcəyinə görə sevindiyini bildirib: "Azərbaycana gedəcəyim üçün çox sevinirəm. Matça ciddi yanaşacağıq. Bakıdakı oyunda da qalib gəlmək istəyirik. Heyətdə kimin yer almasından, hansı ölkədə çıxış etməyimizdən asılı olmayaraq, maksimum gücümüzü ortaya qoyacağıq".
Noyabrın 3-də Tofiq Bəhramov stadionunda oynanılacaq görüş 21.45-də başlanılacaq.
Digər xəbərlər
