“İnter”in Çempionlar Liqasının qrup mərhələsinin “Viktoriya” ilə oyunu Edin Ceko üçün ikiqat uğurlu alınıb.

Football-plus.az xəbər verir ki, o, komandasının 4:0 hesablı qələbəsində iki qolla rol oynayıb. 36 yaşlı hücumçu ÇL-də son bir ildə 5 qol vurub. Ceko 35 yaşdan sonra bu turnirdə qol sayına görə yalnız Kriştiano Ronaldodan (12) geri qalır.

Qeyd edək ki, “Çelsi”nin sabiq hücumçusu Didye Droqba da 35 yaşı tamamlanandan sonra ÇL-də 5 qol vurub.