Yalnız Volkdan geri qalır

İtaliya çempionatının sonuncu – 38-ci turuna start verilib.

Cümə günü “Roma” səfərdə “Torino”nu məğlub edib. Joze Mourinyonun komandası xallarının sayını 63-ə çatdıraraq 5-ci yerə çıxıb. Paytaxtın digər təmsilçisi “Latsio”nun da bu qədər xalı var. Romalıların ən yaxın izləyiciləri “Fiorentina” və “Atalanta” isə son tur ərəfəsində hərəyə 59 xalla 7-8-ci yerləri bölüşürlər. Bu o deməkdi ki, “Roma” Avropa Liqasına vəsiqəni təmin edib.

Komandanın “Torino” üzərində 3:0 hesablı qələbəsində dubl etməklə rol oynayan Temmi Abrahamla bağlı fakt diqqəti cəlb edir. İngilis hücumçu “Roma”dakı debüt mövsümündə A seriyasında 17 qol vurub. O, bu planda yalnız “canavarlar”ın sabiq oyunçusu Rodolfo Volkdan (21) geri qalır.