“Leyptsiq” heyətini yeni futbolçu ilə gücləndirib.

Bundesliqa təmsilçisi Norveç yığmasının qapıçısı Oryan Nilandı heyətinə cəlb edib. 32 yaşlı futbolçu ilə müddəti 2023-cü ilin iyununa qədər olan müqavilə imzalanıb. Xatırladaq ki, “Leyptsiq”in əsas qapıçısı Peter Qulaçi bir neçə gün əvvəl ağır zədə alıb. Onun ən azı 5-6 ay yaşıl meydanlardan kənarda qalacağı proqnozlaşdırılır. Bu üzdən bundesliqa təmsilçisi yeni qapıçı transfer etmək məcburiyyətində qalıb. Niland sonuncu dəfə “Ridinq”in formasını geyib. O, bu il iyulun 1-də İngiltərə klubundan ayrılandan bəri azad agent statusu daşıyırdı.

Qapıçı karyerası ərzində “Bornmut”, “Aston Villa”, “İnqolştadt”, “Molde” və “Hodd” klublarının da formasını geyib, Norveç yığmasında 40 oyuna çıxıb.