“Turan Tovuz”un mövsümlük biletlərindən neçəsi satılıb? - AÇIQLAMA
“Turan Tovuz” Misli premyer-liqasının startından öncə 500 mövsümlük bilet satışa çıxarmışdı.
Hər biri 59 manatdan satılan bileti əldə edənlər komandanın bütün ev oyunlarında iştirak hüququ əldə edəcəkdi. Artıq premyer-liqanın 7-ci turu geridə qalıb. Görəsən, biletlərin hamısı satılıb?
Bu suala cavab tapmaq üçün “Turan Tovuz”un mətbuat katibi Süleyman Tağıyevlə əlaqə saxladıq. Onun “Football-plus.az” saytına açıqlaması belə oldu:
“İlk oyundan öncə 500 mövsümlük bilet satışa çıxmışdı. Hazırda da satış davam edir. Təxminən 300-dən çoxu satılıb. Həmin bileti əldə edənlər üçün mərkəzi tribunada xüsusi sektor ayrılıb. Orda ancaq həmin adamlar əyləşə bilir. Bilet plastik kart formasındadı. Klubun şərfi də hədiyyə olunur. Hamını tələsməyə çağırırıq. Bundan sonra ardıcıl ev oyunlarımız var. Mövsümlük biletləri alsınlar ki, həm oyunlara rahat yerdən baxa bilsinlər, həm də klubumuza dəstək olsunlar”.
ŞAİR ABDULLA
