“Turan Tovuz”la “Kəpəz”in saytı nə vaxt fəaliyyətə başlayacaq? – AÇIQLAMA
Elitaya yeni qatılan "Kəpəz" və "Turan Tovuz"un rəsmi saytı hələ də yoxdu.
Bununla bağlı dəfələrlə hər iki komandanın mətbuat katibləri ilə əlaqə saxlasaq da, hələ də saytın hazır olmadığını deyirdilər. Artıq çempionatın 6 turu geridə qalıb. Görəsən, bu komandaların rəsmi saytı nə vaxt hazır olacaq? Bu sualla "Kəpəz" və "Turan Tovuz"un mətbuat katiblərinə müraciət etdik.
Azad Mustafayev (Kəpəz):
"Yavaş-yavaş işlər gedir. Saytın əsas səhifəsi artıq hazırdı. Bizə verilən nümunələr arasından seçim edib qərarımızı verdik. İnşallah, yaxın günlərdə, ən geci sentyabrın sonuna kimi saytımız fəaliyyətə başlayacaq".
Süleyman Tağıyev (Turan Tovuz): "Bir neçə texniki məsələlər var. Bizdən asılı olan və olmayan məqamlar var. Artıq məlumat bazasını tamamlamışıq. Hazırda qalan işlər davam edir. Çox güman, bu ayın sonuna kimi rəsmi saytımız təqdim olunacaq".
ŞAİR ABDULLA
