“Kəpəz”lə “Turan Tovuz” sayt qura bilmir
Misli premyer-liqasında 5-ci tur da geridə qaldı.
"Football-plus.az" xəbər verir ki, elitaya yeni qoşulan "Kəpəz"lə "Turan Tovuz"un hələ də rəsmi saytı yoxdu. Komandaların mətbuat katibləri açıqlamalarında internet ünvanının sentyabrın ilk həftəsində istifadəyə veriləcəyini demişdilər. Bunu nəzərə alaraq yenidən onlarla əlaqə saxladıq. Görəsən, rəsmi saytlar nə vax fəaliyyətə başlayır?
Azad Mustafayev (Kəpəz): "Hələ də bu istiqamətdə iş gedir. Bu sahədə çalışan insanlar çox diqqətli, yavaş-yavaş işləyir. Hər bir detalın üzərində çalışırlar ki, heç bir səhv olmasın. Bu da müəyyən zaman tələb edir. Mən sizə sentyabrın əvvəlində hazır olacağını demişdim. Lakin belə görünür ki, ayın ortalarında istifadəyə veriləcək”.
Süleyman Tağıyev (Turan Tovuz): “Kəpəz”lə oyundan sonra bizdə fotosessiya olacaq. Futbolçular, məşqçilər, meydan, şərait və sair orda yer alacaq. Yəni dizayn və başqa işlər bitib. Hazırda saytın doldurulması prosesi gedir. Bu da “Kəpəz”lə oyundan sonra başlayacaq. Bu üzdən dəqiq bir vaxt deyə bilmərəm. Amma belə düşünürəm ki, bu işlər təxminən bir həftə, 10 gün davam edəcək. Ümid edirik ki, sentyabrın ortalarında saytımız fəaliyyətinə başlayacaq”.
ŞAİR ABDULLA
Digər xəbərlər
