Misli premyer-liqasının 4-cü turu start götürsə də, “Kəpəz”lə “Turan Tovuz”un rəsmi saytı hələ də fəaliyyətə başlamayıb.

Məsələni diqqətdə saxladığımızdan dünən də adı çəkilən klubların mətbuat katibləri ilə əlaqə saxladıq.

Süleyman Tağıyev ( Turan Tovuz): “Hazırda saytın üzərində işlər gedir. Həm bizdən asılı olan, həm də olmayan müəyyən texniki məsələlər var ki, onların bitməsini gözləyirik. Avqustun sonunda, ən geci növbəti ayın əvvəlində saytımız fəaliyyətə başlayacaq”.

Azad Mustafayev (Kəpəz): “Bununla bağlı sizə şad xəbər verə bilərəm. Hazırda saytda müəyyən texniki məsələlər var ki, onun həlli ilə məşğuluq. Neçə ildi saytımız yoxdu. Biz də tez bitirib sıradan bir şey olmasını istəmirik. Bu, zəhmət tələb edən işdi. Ölkədə saytla bağlı texniki məsələləri həyata keçirən tanınmış şirkət var, onlarla əməkdaşlıq edirik. Onların da təklifləri ilə ortaq qərara gəlib saytı hazırlayırıq. Yəqin ki, sentyabrın əvvəlinə kimi istifadəyə veriləcək”.

ŞAİR ABDULLA