Fransa çempionatına uğurlu start verməsinə rəğmən Mbappe və Neymarın münasibətlərinin qaydasında olmaması barədə söz-söhbətlərlə çalxalanan PSJ ilə bağlı yeni xəbər var.

'"Footbal-plus.az" xəbər verir ki, 'Le Parisien'' nəşrinin yazdığı iddiaya görə idman direktoru Luis Kampuş futbolçuların qidalanmasını tənzimləmək üçün komandaya xüsusi dietoloq gətirib. Maraqlıdı ki, dietoloq ilk növbədə futbolçuların şəkərli su qəbulunu minimuma endirmək niyyətindədi. Bunun üçün də yemək vaxtı oyunçuların ''Kola'' və soyuq çay içməsinə qadağa qoyulub. PSJ-nin futbolçuları klubun məşq mərkəzində qəhvəaltı və günorta yeməyi olmaqla gündə iki dəfə qidalanır. Əslində Avropanın digər nəhənglərində futbolçuların qidalanmasına nəzarət edən şəxslərin işə götürülməsi praktikası çoxdan mövcuddu. Amma PSJ bu addımı hələ indi atıb. Parislilərin Liqa-1-in ilk iki turunda 10 qol vurduğunu və cəmi 2 top buraxdığını da bildirək.