Neymar PSJ-nin onunla vidalaşa biləcəyi haqda yayılan xəbərlərə reaksiya verib.

“Le Parisien” qəzetinin məlumatına görə, klubun qətərli sahibləri bu yay Neymarla yolları ayırmağı planlaşdırır. 30 yaşlı futbolçunun gedişi həm də Kilian Mbappe ilə yeni - yüksək maaş və bonusların nəzərdə tutulduğu müqavilənin imzalanması ilə əlaqələndirilə bilər. Həftəyə təxminən 580 min avro qazanan Neymar PSJ-də 2017-ci ildən oynayır. Son mövsüm bütün turnirlərdə 28 oyunda iştirak edən, 13 qol vurub 8 məhsuldar ötürmə verən braziiyalı haqqında gəzən iddiaya qısaca belə münasibət bildirib: “Hazırda heç kim mənə bu barədə nəsə deməyib, amma mən mütləq PSJ-də qalmaq istəyirəm”.