Leonardonun yerinə çempion “Monako”nu quran portuqaliyalı gəlir

Kilian Mbappe ilə müqaviləni yeniləyən PSJ artıq dəyişikliklər mərhələsinə qədəm qoyub. Kiliana uyğunlaşdırılan ilk qərarlar hazırdı. İdman direktoru Leonardo ilə yollar ayrılır, tezliklə baş məşqçi Maurisio Poçettino da gedəcək. Bu vəzifəyə Zinəddin Zidanı dəvət etmək istəyirlər.

Leonardoya isə artıq əvəzedici tapılıb. Söhbət “Lill”in idman direktoru və vaxtilə çempion olan “Monako”nun skaut qrupunun rəhbəri portuqaliyalı Luiş Kampuşdan gedir. Bu yerdəyişmə hələ rəsmən təsdiqlənməsə də, “RMC Sport” Leonardonun 2019-dan bəri tutduğu postu artıq tərk etdiyini xəbər verir.
Leonardo ilə ayrılığın əsas səbəbi Mbappe ilə danışıqlardakı uğursuzluqdu. İdman direktoru futbolçu ilə dil tapa bilmədiyinə görə Qətər əmiri ilə Franda prezidenti Emmanuel Makron da işə müdaxilə etməli oldu. Daha bir irad transferlərdə yol verilən səhvlərdi. Klub belə hesab edir ki, məhz bu üzdən çoxdan arzuladığı ÇL-i qazana bilməyib.

PSJ və Mbappe yeni idman direktoru ilə yeni səhifə açmaq istəyir. Kampuş amili həqiqətən Kilianın qərarına təsir edib. Daha doğrusu, Luişin bu posta gətirilməsi futbolçunun tələblərindən biri olub. Portuqaliyalının vacib fiqur olduğunu “Real”da da anlayırdılar. “Marca” 2021-in iyulunda yazırdı ki, Peres portuqaliyalının sayəsində Kilianı cəlb etmək istəyib, ancaq Luislə anlaşa bilməyib. Hətta Kampuşun vaxtilə “Real”da bir il skaut kimi çalışması da işə yaramayıb. Bu dəfə PSJ əsas rəqibini qabaqlayıb.

Çempion “Monako”nu məhz Kampuş yığmışdı

Luiş “Monako”ya 2013-də - idman direktoru Vadim Vasilyevin dəvəti əsasında təşrif buyurub. Həmin vaxt klub yenicə elitaya qayıtmışdı və nəhəng pullar qarşılığında Falkao, Xames, Joao Moutinyo kimi ulduzları rənglərinə bağlamışdı. Portuqaliyalıdan Liqa 1-də mübarizəyə tam hazır olmayan “knyazlar”ı yenidən qurmaq tələb olunurdu. Kampuş klub menecementini, məşqçi korpusunu, tibbi personalı, az qala bütün strukturu yenidən formalaşdırmalıydı. O, bu işin öhdəsindən gəldi. “Mobako”da işlək mexanizm yaratdı. Portuqaliyalı özü də fitnes mütəxəssisi, məşqçinin köməkçisi və gənclərdən ibarət konandanın meneceri kimi çalışırdı. Bu peşələrin hər birindən ən xırda incəliklərə qədər xəbərdar idi. Vasilyev heyran qalmışdı:

“Kampuş rəhbərliklə personal arasında əlaqələndirici bağdı. Tam fərqli vəzifələrin öhdəsindən bacarıqla gəlir”.

“Monako” elitaya döndüyu elə ilk mövsümdə 2-ci yeri tutdu. Kampuş klubun bu günə qədər də sadiq qaldığı biznes-planın gerçəkləşməsi üçün ideal namizəd oldu. “Knyazlar” istedadları axtarıb tapır, yüksək səviyyəyə çatdırır və sonra satırlar. Kampuş futbolçularla bağlı bütün informasiyanı toplayır, onları iş başında yoxlayandan sonra “hə” və ya “yox” deyirdi.

Kampuş skaut işinin əsas prinsipi kimi məhz futbolçuları canlı görməyi önə çəkir:



Luiç hım də çox əməksevərdi. “Monako”dakı anonim qaynağın “Le Journal du Dimanche”a müsahibədə dedikləri:



İşə belə münasibətin nəticədi ortadadı. Luiş “Monako”da sonradan kluba milyonlar qazandıran heyət yığmışdı. Onun dövründə hansı futbolçuların alınıb-satıldığına baxın:

Kilian Mbappe havayı 145 milyon*

Toma Lemar 4 milyon 72 milyon

Antoni Marsyal 5 milyon 60 milyon

Benjamen Mendi 13 milyon 57,5 milyon

Bernardo Silva 15,75 milyon 50 milyon

Fabinyo 6 milyon 45 milyon

Tyemue Bakayoko 8 milyon 40 milyon

* - avro ilə göstərilib.


Mbappenin tərəqqisində də Kampuşun rolu olub. Məhz o, Kilianın istedadını üzə çıxarıb: “Mən “Monako”da işə başlayanda Mbappe durumundan narazı idi. Ailəsi də onun imkan daxilində tez klubu tərk etməsini istəyirdi. Ona cəmi 10 dəqiqə vaxt ayırandan sonra düşündüm ki, necə də istedadlı oyunçudu! İkinci komandaya keçirdim. İki ay ərzində nəhəng sıçrayışa nail oldu və əsas heyətə yüksəldi. Fikrimcə, Kilian dünyanın ən yaxşı futbolçusu olacaq”.

Kampuş 2016-da “Monako”dan getdi, sonra “Lill” üçün çempion heyət yığdı və yenə dincəlməyə başladı. İndi də Kilian onu PSJ-yə çağırıb. Və Luiş bu təklifdən imtina etməyib. Belə görünür ki, onlar arasında xoş münasibət hələ də qalır.

ORXAN