Bir müddət əvvəl PSJ-nin hücumçuları Kilian Mbappe ilə Neymarın arasının dəyməsi haqda xəbər yayılmışdı.

Deyəsən, bu iddia doğru imiş.

İndi Mbappenin klubdan braziliyalı komanda yoldaşının satılmasını istədiyi iddia olunur. Bu barədə GFFN məlumat yayıb. Deyilənə görə, 23 yaşlı hücumçu artıq bu məsələyə görə rəhbərliyə də müraciət edib. İddiaya inansaq, yaxınları da Kilianın bu yay müqaviləsinin yenilənməsindən sonra Neymarın satılması üçün çalışır. Bir müddətdi iki futbolçu arasında gərginlik yaşandığı əsas gətirilir. Onların münasibətləri əvvəlki kimi möhkəm deyil. Mbappe son 5 ildə 30 yaşlı forvarddan çox şey öyrəndiyinə inanır. Lakin indi digər komanda yoldaşı Lionel Messinin təcrübəsindən yararlanmaq istəyir.