"Viktoriya" əvvəllər daha yaxşı nəticələr göstərirdi. Hazırda müəyyən qədər zəifləsə də, Avropada möhkəm, ciddi komanda kimi qəbul olunur. Çexiya futboluna xas, əsasən gücə, fiziki hazırlığa və atletik futbola üstünlük verir. Ümumiyyətlə, ÇL-də, həmçinin pley-offda zəif rəqib olmur. Ona görə də Plzen təmsilçisiylə matç çox gərgin keçəcək. Hazırkı "Qarabağ" da artıq Avropada ciddi rəqib sayılır. Ağdam təmsilçisi tarixinin ən güclü dövrünü yaşayır. Avropa klublarına başağrı olur. Çexiya təmsilçisindən fərqli "köhlən atlar" texnikalı, kombinasiyalı oyuna üstünlük verir. Nə qədər "Qarabağ"ın qələbəsinə, zəfərinə inansaq da, pley-offda komandanı çox ciddi rəqib gözləyir. İki maraqlı, gərgin, mübarizəli oyunun şahidi olacağıq. İnanıram ki, sonda zəfər "Qarabağ"la olacaq".

"Viktoriya"nı "Lex" və "Sürix" qədər dərindən təhlil etməmişəm. Amma ötən mövsüm "Slaviya" və "Sparta"nı qabaqlayaraq çempion olubsa, deməli, ciddi rəqibdi. Heyəti əsasən təcrübəli futbolçulardan formalaşıb. Legionerlərin əksəriyyəti Çexiya çempionatında başqa klublarda oynadıqdan sonra Plzen təmsilçisinə keçib. "Viktoriya" gənc komanda deyil, yetərincə avrokubok təcrübəsinə malikdi. Amma düşünürəm ki, "Qarabağ" Çexiya təmsilçisini üstələyib, qrupa vəsiqəni təmin edəcək".

"Viktoriya" tam təhlil etmişəm” desəm, yalan olar. Amma az-çox Çexiya futbolundan məlumatlı biri kimi qeyd edə bilərəm ki, Plzen təmsilçisi atletik, güc futboluna üstünlük verir. Yetərincə intizamlı komandadı. Hər halda, pley-offa qədər irəliləyən komanda zəif deyil. Əminəm ki, Qurban Qurbanov rəqibi hamıdan daha yaxşı təhlil edərək, zəif və güclü tərəflərini müəyyənləşdirib. Hazırkı "Qarabağ" çox güclüdü, top-liqa klubları xaric, “2-ci eşelon” komandlarına qarşı mübarizə aparmaq iqtidarındadı. İnanıram ki, ağdamlılar "Viktoriya"nı da sırdan çıxaracaq".