"Neftçi" iki gün əvvəl Konfrans Liqasının 3-cü təsnifat mərhələsində "Rapid"i qəbul etdi.

“Football-plus.az” saytı olaraq 2:1 qələbə qazandığımız matçla bağlı təcrübəli mütəxəssis Ağasəlim Mircavadovun fikirlərini öyrəndik:

"Neftçi"nin hələ də ortaya qoyacaq oyunu yoxdu, ancaq güc və istək var. İkinci hissədə "ağ-qaralar" çox zəif çıxış etdi. "Rapid" topa daha yaxşı nəzarət edir, cinahlardan sürətli reydlər edirdi. Konfrans Liqasındakı son 3 oyuna baxsaq, görərik ki, "Neftçi"də orta xətt ürəkaçan səviyyədə deyil. Cinah müdafiəçiləri hücumlara yaxşı qoşula bilmir, həmçinin onlarla vingerlər arasında uzlaşma da yaxşı deyil. "Neftçi"nin müdafiəsi "2-ci mərtəbə"də yaxşı oynasa da, yerlə ötürmələr zamanı rəqibi zərərsizləşdirməkdə çətinlik çəkirdi. Cavab görüşü olduqca ağır keçəcək. 2:0 hesablı qələbə təkcə sərfəli nəticə yox, həm də psixoloji üstünlük idi. Rəqib uzatma dəqiqəsində qol vurmaqla psixoloji üstünlüyü ələ keçirdi. Avstriyalılar doğma meydanda ikiqat motivasiya ilə oynayacaq. Könül istərdi ki, mərhələni "Neftçi" keçsin, amma sərgilədiyi oyunla təmsilçimiz çox irəli gedə bilməyəcək".

ABDULLA İSMAYILOĞLU