Ağasəlim Mircavadov "Neftçi" haqqında danışdı: "Sadəcə, bəxtimiz gətirdi"
Konfrans Liqasında ölkəmizi təmsil edən "Neftçi" doğma meydanda "Aris" üzərində qələbə qazanaraq mərhələ adlasa da, sərgilədiyi oyun əksəriyyətin ürəyincə olmadı.
"Football-plus.az" saytı olaraq bununla bağlı "Neftçi"nin sabiq baş məşqçisi, təcrübəli mütəxəssis Ağasəlim Mircavadovun fikrini öyrəndik:
"Neftçi"nin ilk oyunu ilə cavab matçı arasında fərq hiss olunurdu. Futbolçularda istək vardı. Amma bu o demək deyil ki, komanda oyunboyu yaxşı performans göstərdi. İkinci hissədə "ağ-qaralar" daha yaxşı oynadı. Bu oyunu inkişaf etdirmək lazımdı. Lakin matçın sonuna 5-6 dəqiqə qalmış "Neftçi" zəif çıxış etməyə başladı. Komanda vaxt öldürməklə məşğul idi. Rəqib də bundan istifadə edərək təşəbbüsü ələ aldı. Hətta 2 epizoda qol da vurmağa yaxın idi. Sadəcə, bəxtimiz gətirdi. "Neftçi" oyun fəlsəfəsində mütləq dəyişiklik etməlidi. Əks halda "Rapid"lə çox çətin olacaq. Avstriya təmsilçisi "Aris" kimi debütant deyil, kifayət qədər avrokubok təcrübəsi var. Onlar səhvləri bağışlamayacaq. Mərhələ keçməsi münasibətiylə "Neftçi"ni təbrik edir, növbəti oyunda uğurlar arzu edirəm".
ABDULLA İSMAYILOĞLU
Digər xəbərlər
