"Aris" “Neftçi” ilə Konfrans Liqasının 2-ci təsnifat mərhələsinin cavab oyunundan əvvəl Bakıda məşqə çıxıb.

Football-plus.az xəbər verir ki, Limassol təmsilçisinin Bakı Olimpiya Stadionunun ehtiyat meydançasında baş tutan hazırlıq prosesi bir saatdan çox çəkib.

Məşqdə bütün futbolçular iştirak edib. Yalnız yarımmüdafiəçi Karol Struski fərdi çalışıb.

Sabah keçiriləcək “Neftçi” – “Aris” matçı saat 21.00-da start götürəcək. Komandalar arasında Kiprdə baş tutan görüşdə “Aris” qələbə qazanıb – 2:0.