Qurban Qurbanov İsveçrə səfərindən ümidlidi - AÇIQLAMA
Dünən "Qarabağ" Çempionlar Liqasının 2-ci təsnifat mərhələsində "Sürix"ə qarşı keçiriləcək cavab oyunu üçün İsveçrəyə yollanıb.
Football-plus.az xəbər verir ki, Qurban Qurbanov səfərdən öncə Heydər Əliyev Beynəlxalq Aeroportunda jurnalistlərə görüşlə bağlı açıqlama verib:
"Sürix" oyun üslubuna görə bizə uyğun olmayan rəqibdi. Hər bir halda, Bakıda onları daha yaxından tanıdıq. Səfərə böyük ümidlə gedirik. Bu komandaya qarşı sona kimi yaxşı mübarizə aparıb, ağıllı oyun qurmaq istəyirik. Ola bilər ki, risklərə gedək. Hər bir halda komandamın durumu pis deyil. Hazırlığımız yaxşı səviyyədədi. Oyuna iki günümüz qalıb. Onu da daha çox taktiki, texniki çalışmalara ayıracağıq".
"Sürix" - "Qarabağ" matçı iyulun 27-də Bakı vaxtı ilə saat 21.00-da oynanılacaq.
