Konfrans Liqasındakı nəticələr hamı kimi, Füzuli Məmmədovu da məyus edib: “İlk olaraq onu qeyd edim ki, püşk “Qəbələ” və “Zirə”ni çətin rəqiblə üz-üzə qoyub. “Neftçi” üçün isə münasib rəqib idi. Amma səmimi deyim ki, komandalarımızın üçü də zəif oynadı. “Neftçi”də çoxlu oyunçu dəyişiklikləri olub. “Zirə” Rəşad Sadıqovun rəhbərliyi altında ilk dəfədi avrokuboklara qatılır və güclü komanda ilə qarşılaşdı. “Qəbələ”yə gəlincə, belə komandaya qarşı oynaya bilmək üçün keyfiyyətli futbolçular olmalıdı. Bunun üçün də büdcənin normal olması vacibdi. Lakin komanda 1-ci hissədə pis oynamadı. İkinci yarıda isə təzyiqə tab gətirə bilmədilər. “Neftçi”də olan dəyişikliklər, əlbbətə, komandaya təsir edəcək. Bunun üçün bir qədər zaman lazımdı. Ən əsası da havanın isti olması idi. Bu da komandaya pis təsir edirdi. Ümid edirik ki, “Neftçi” cavab matçında daha yaxşı oynayacaq. “Qəbələ” üçün mərhələni keçmək çətin olacaq. Amma ona da ümidimiz var ki, qələbə qazanacaq. Ən pis halda bərabərə qalacaq. “Zirə” isə səfərdə oynayacaq. Əlbəttə, çətin görüş olacaq. Bu matçda da layiqli oynayıb çempionata hazırlaşmalıdılar. Üç klubumuzdan ən çox şansı olan, heç şübhəsiz, “Neftçi”di. Komanda evdə daha istəkli oynayıb mərhələni keçə bilər”.
ŞAİR ABDULLA