“Makkabi”nin (Təl-Əviv, İsrail) baş məşqçisi Vladimir İviç Toto kubokunda “Netanya”ya uduzduqları görüş (0:0, penaltilər 3:4) haqda danışıb.

Football-plus.az xəbər verir ki, serbiyalı mütəxəssis Konfrans Liqasının 2-ci təsnifat mərhələsində, iyulun 21-də qarşılaşacaqları "Zirə"dən də söz açıb:

“İlk hissədə yaxşı oynamadıq. Rəqib azı 3 qol vurmalı idi. İmkanlarımız oldu, lakin oyun qurmaqda problemlərimiz var idi, diqqətsiz oynadıq. Təcrübəli futbolçulardan daha yaxşı faydalanmalıyıq. İkinci hissədə çox yaxşı oynadıq. Hər iki komandanın şansı var idi. Nəticədə penaltilərdə uduzduq. Bu matçı unutmalıyıq. “Zirə” ilə oyuna hazırlaşmalıyıq”.

Qeyd edək ki, bu komandalar arasında ilk oyun iyulun 21-də Bakıda keçiriləcək. Cavab matçı bir həftə sonra İsraildə olacaq.