"Zirə"nin Konfrans Liqasının 2-ci təsnifat mərhələsindəki rəqibi "Makkabi Tel Əviv" növbəti oyununu keçirib.

Football-plus.az xəbər verir ki, paytaxt təmsilçisi İsrail Toto Kubokunun finalında "Makkabi Netanya" ilə qarşılaşıb.

Tel Əvivin "Blumfild" stadionunda keçirilən matçın əsas və əlavə olunmuş dəqiqələrində qalib müəyyənləşməyib - 0:0. Penaltilər seiyasında daha dəqiq olan netanyalılar 5:4 hesabı ilə qalib gələrək kuboka sahib çıxıb.

Qeyd edək ki, görüşü "Zirə"nin baş məşqçisi Rəşad Sadıqov və köməkçisi Eltun Yaqublu da izləyib.