"Zirə"nin rəqibi "Seltik"dən futbolçu transfer etdi

Avropa Konfrans Liqasının II təsnifat mərhələsində "Zirə"nin rəqibi olan "Makkabi" (Tel-Əviv) növbəti transferini rəsmiləşdirib.

"Football-plus.az" xəbər verir ki, İsrail təmsilçisi Şotlandiya “Seltik”Nir Bittonu transfer edib. Bu barədə klubun mətbuat xidməti məlumat yayıb.

30 yaşlı yarımmüdafiəçi ilə 2+1 illik müqavilə imzalanıb. O, yeni klubunda 66 nömrəli forma ilə çıxış edəcək.

Qeyd edək ki, "Zirə" "Makkabi" ilə ilk oyunu iyulun 21-də Bakıda keçiriləcək, cavab matçı isə iyulun 28-də Təl-Əvivdəki baş tutacaq.