Football-plus.az saytı olaraq detalları öyrənmək üçün "Zirə"nin mətbuat katibi Elmar Abdullazadə ilə əlaqə saxladıq. Klub rəsmisi bunları söylədi:
"Komandamızın baş məşqçisi Rəşad Sadıqov və köməkçisi Eltun Yaqublu səhər saatlarında İsrailə yola düşdülər. Səfərin əsas məqsədi Konfrans Liqasındakı rəqibimiz "Makkabi"nin oyununu izləməkdi".
Qeyd edək ki, Tel-Əviv təmsilçisi bu gün "Toto" kubokunda Netanya “Makkabi”siylə qarşılaşacaq. Oyun Bakı vaxtı ilə saat 21.00-da “Blumfild” stadionunda keçiriləcək.
ABDULLA İSMAYILOĞLU
