Luçeskudan ''Fənərbaxça'' etirafı
Rusiyanın Ukraynaya hərbi təcavüzündən bir müddət sonra Kiyevi tərk edərək vətəni Ruminiyaya yollanan və Kiyev ''Dinamo''sunu ordan idarə edən Mirça Luçesku bu klubdakı gələcəyi ilə bağlı açıqlamalar verib.
"Football-plus.az" xəbər verir ki, təcrübəli mütəxəssis Rumıniyanın ''Sporturilor'' nəşrinə verdiyi müsahibə zamanı ''Fənərbaxça'' ilə bağlı da etiraf edib: ''Dinamo''dan ayrılmağı planlaşdırmıram. Onları bu xaosun içində qoyub və heç nə olmamış kimi işimi atıb gedə bilmərəm. Klubla 2024-cü ilə qədər müqaviləm var. ''Fənərbaxça'' da daxil olmaqla bir çox klubdan ciddi təkliflər almışam. Amma ''Dinamo''da qalmağa qərar vermişəm. Heç bir təklifə görə ''Dinamo''nu atıb gedə bilmərəm. Çünki bu, qorxaqlıq olar! İndi dünyada heç bir şey mənə bu hərəkəti etdirə bilməz. Bundan sonra klubu yenidən qurmalıyıq. Maaşım nə qədərdi? Bunun nə önəmi var? Maaşım futbolun mənə verdiyi ləzzəti verə bilməz. Çalışmağa davam edəcəm. Aktivəm, dinamikəm və önəmli qərarlar qəbul etməkdə davam edirəm. Bu, mənim həyatımdı''.
Digər xəbərlər
