"İndi Azərbaycanda futbolçu qıtlığı var" - Aqil Nəbiyev
“Məncə, pis sistem deyil. İndi Azərbaycanda futbolçu qıtlığı var. Ona görə komanda sayının artması sevindirici haldı. Klubların çoxu da keyfiyyətli yerli futbolçu tapa bilmir. Ona görə düşünürəm ki, yaxşı qərardı”.
Bu sözləri “Futbol+” qəzetinə açıqlamasında U-18 millisinin baş məşqçisi Aqil Nəbiyev deyib. Gənc mütəxəssis AFFA İcraiyyə Komitəsinin son limitində legioner limitini dəyişməsi haqda danışıb. O, çempionatda tətbiq olunacaq “7+4” formatını dəyərləndirib:
“İnanıram ki, klublar yaxşı legionerlər gətirəcək. Onlar da yerli futbolçulara nümunə olacaq. Komanda sayı artdıqca yerli futbolçulara daha çox ehtiyac yaranır. Çünki iki komandanın əlavə olunması bir çox azərbaycanlı futbolçunun premyer-liqada oynaması deməkdi. Ötən il 6 idi, bu il də 1 nəfər artdı. Komanda sayı da artdığına görə, düşünürəm ki, bu problem yaratmayacaq”.
ŞAİR ABDULLA
Digər xəbərlər
