Millinin məşqçisi AFFA-nın qərarına qarşı çıxdı - AÇIQLAMA
“Ola bilsin, klublar üçün yaxşı qərardı. Amma milli komanda üçün pisdi. Yığmalara xeyir gətirməyəcək”.
Bu sözləri “Futbol+” qəzetinə açıqlamasında 17 yaşadək milli komandamızın baş məşqçisi Elxan Abdullayev deyib. Tanınmış mütəxəssis AFFA-nın İcraiyyə Komitəsinin premyer-liqada legioner limitini dəyişməsini şərh edib. O, qərarın milli üçün yaxşı hal olmadığını dilə gətirdi:
“Futbolçu azlığı daha çox hiss olunacaq. Premyer-liqa klublarının isə inkişafına təkan verəcəyini düşünürəm. Yəqin klublar da bunu istəyib. İstəməsəydilər, belə olmazdı. Hazırda elitada 10 komanda var. “6+5” sistemində meydanda minimum 50 yerli futbolçu görə bilərdik, indi isə bu rəqəm 40-a düşəcək. Ona görə də bu, milli üçün yaxşı hal deyil. Amma bu o demək deyil ki, bütün komandalar belə fomatda oynayacaq. Elə komandalarımız olub ki heyətinin yarıdan çoxunu yerli futbolçular təşkil edib. Mən də onun tərəfdarıyam ki, yerli futbolçular çox olsun”.
ŞAİR ABDULLA
Digər xəbərlər
