Nazir müavini bolqarıstanlı idmançıdan nə tələb edib? - AÇIQLAMA
Bakıda atıcılıq üzrə dünya kubokunun yarışları davam edir.
“Football-plus.az” xəbər verir ki, bu gün 25 metr məsafəyə tapançadan atəşma yarışlarının qalibi bolqarıstanlı Antoaneta Kostadinova olub.
O, mükafatlandırılma mərasimindən sonra hisslərini jurnalistlərlə bölüşüb:
“Atıcılıq sevdiyim sahədi. Bura ən gözəl məkanlardan biridi. Bakı Atıcılıq Mərkəzi mənim çox xoşuma gəldi. 2015-ci ildə də Azərbaycanda keçirilən dünya kubokunda qızıl medala sahib olmuşdum. İndi yenidən çempionluq sevinci yaşadım. Buna görə özümü olduqca çox xoşbəxt hiss edirəm. Hər şey gözəl və möhtəşəm idi.
Qızıl medalı qazanmaqda hansısa çətinliyimin olub-olmadığını bilmirəm. Bütün idmançılar həmişə qələbə qazanmaq üçün mübarizə aparırlar. Əvvəlcədən nəyisə bilmək olmur. Atletlərin necə performans sərgiləyəcəyi haqda məlumatın olmur. İllərdi bu sahədəyəm. Əldə etdiyim təcrübələrdən istifadə edib, sonda medal qazandım”.
Qızıl medalı qazanmaqda hansısa çətinliyimin olub-olmadığını bilmirəm. Bütün idmançılar həmişə qələbə qazanmaq üçün mübarizə aparırlar. Əvvəlcədən nəyisə bilmək olmur. Atletlərin necə performans sərgiləyəcəyi haqda məlumatın olmur. İllərdi bu sahədəyəm. Əldə etdiyim təcrübələrdən istifadə edib, sonda medal qazandım”.
Antoaneta Kostadinova ölkəmizə olan sevgisindən də bəhs edib:
“Azərbaycan möhtəşəm yerdi. Bura 5-ci səfərimdi. Ölkəniz mənim üçün düşərli yerdi. Təşkilatçılıq həmişə yüksək səviyyədə olub. Hamıya, xüsusən də könüllülərə təşəkkür edirəm. Hər şey əladı. Atıcılıq meydançaları da möhtəşəmdi. Deyə bilərəm ki, mərkəz yaxşıdan da yaxşıdır. Bakı isə mükəmməl şəhərdi. Sonuncu səfərimdən sonra çox dəyişilib. Getdikcə müasirləşib, avropalaşıb, gözəlləşib. Sürücülər artıq daha yaxşı avtomobil idarə edirlər (gülür). Paytaxtınız deyərdim ki, hərtərəfli təkminləşib. Bakını sevirəm”.
Sonda Antoaneta Kostadinova ölkəmizin Gənclər və İdman nazirinin müavini Mariana Vasilevanın ona qızıl medal təqdim etməsindən danışıb. Bolqarıstanlı idmançı həmyerlisi ilə arasında olan dialoqu jurnalistlərlə bölüşüb:
“Mariana Vasilevanın məni qızıl medalla təltif etməsini gözləyirdim. 3 gün bundan öncə ona söz vermişdim ki, burda qalib olacam. O, mənə dedi ki, qızıl medal qazanmalısan, başqa yolun yoxdu. Seçimim olmadığı üçün işimə məsuliyyətlə yanaşdım. Sözümü tutduğum üçün xoşbəxtəm. Qızıl medal qazandığım üçün sevincliyəm”.
İLKİN SULTANLI
